Transcription
1
Monsieur, je suys venu en ce lieu pour faire vendanges,
2
où je ne farrey long sejour pour ce qu’on m’a escript
3
que monsieur le mareschal de Dampville partit de
4
Parys le vingt et quatriesme du passé pour
5
s’en venir en Languedoc. Madame la contesse
6
de Tande vient avecques ly. Il a passé ung legat
7
du pappe qui s’en va devers le roy. Il se
8
dict que monsieur le cardinal de Lorreyne
9
est allé à Napples pour negossier quelque
10
chose avec monsieur le cardinal de Grandvelle.
11
Ceulx de la Relligion de Nysmes s’en sont allés
12
et ont laissé les portes ouvertes. En Allès,
13
les huguenaulx ont voullu faire une alarme
14
aux cathollicques. Et à ce que j’entendz, ilz ont
15
estés bien rudement traictés. J’espere le scavoyr
16
bien au vray dans ung jour ou deux, car
17
monsieur de Joyeuse auoyt mys mon beaufilz
18
dedans et jattendz ung de ses gens. Je ne
19
fauldrey vous advertir de ce que j’en scaurey.
20
Monsieur du Pouet et quelques aultres se sont
21
[v°] retirés avecques monsieur de Monbrun. Le viceneschal
22
de Crest est à Pryvas ; que sera la fin, après
23
vous avoyr supplié me commander votre vouloyr
24
pour icelluy tout ma vie acomplir daussy
25
bon cueur que la dame de sceans et moy
26
nous recommandons très humblement à votre bonne
27
grace, priant Dieu,
28
Monsieur, qu’i vous ayt en sa garde. De votre
29
maison de Vaulvanés, ce IIme d’octobre 1572.
30
Votre très humble et aubeisant
31
serviteur.
32
Montoyson
33
Monsieur, je vous escripvis dernierement par monsieur de
34
Colombat et vous mandés des lettres venant de la part
35
de monsieur de Gargas. Je vous supplie me mander
36
sy les avez receues.
37
L’on dit que monsieur d’Etavayer a souvé monsieur de Sovin.